Il podest:
- Marco Schwarz (AUT) 1:40.51 minutas
- Clément Noël (FRA) +0.25 sec.
- Dave Ryding (GBR) +0.39
Marco Schwarz ha dà tut in mais suenter ses 2. plaz en il slalom da Gurgl – e co. Per l'austriac èsi ì en il slalom da notg da Madonna di Campiglio davent la posiziun 6 en l’emprim percurs, fin sisum il podest. Cun questa victoria surpassa Schwarz en il classament general da la cuppa mundiala Marco Odermatt e maina uss cun 8 puncts avantatg.
Ils Svizzers:
- 7. Loïc Meillard +0.47 secundas
- 13. Luca Aerni +1.05
- 17. Ramon Zenhäusern +1.38
- 19. Tanguy Nef +1.45
- 23. Marc Rochat +1.71
- OUT en il 2. percurs: Daniel Yule
Per ils Svizzers n'hai era en il 2. slalom dà nagut da prender suenter. Loïc Meillard ha surdà sia buna posiziun da partenza sco segund spert da l'emprim percurs – la finala han dentant 8 tschientavels mancà ad el sin il podest. Il Neuchâtelais ha entant puspè fatg bun in retard, ha dentant danovamain pers temp fin tar l’arrivada. Per il spezialist da Madonna, Daniel Yule, n'ha il 2. percurs betg cuzzà ditg. Curt suenter l’emprima mesiraziun dal temp è la cursa dal traidubel victur dal slalom da notg stada a fin.
