Siglir tar il cuntegn

Header

video
Joris: «Interrupziun è la dretga decisiun»
Or da Sport-Clip dals 06.01.2022.
laschar ir. Durada: 2 minutas 37 Secundas.
cuntegn

Slalom a Zagreb La cursa dals umens è desditga

Il slalom da las dunnas il mardi aveva la FIS anc pudì realisar, er là dentant gia sut malas circumstanzas. Per ils umens èn las cundiziuns dentant anc sa pegiuradas entras las temperaturas autas. Uschia han ils responsabels decidì d'interrumper la cursa.

Il slalom dals umens a Zagreb na po er la gievgia betg vegnir exequì. Las cundiziuns da la pista n’han betg laschà tiers in fair cumbat.

video
Slalom a Zagreb sto vegnir interrut
Or da Sport-Clip dals 06.01.2022.
laschar ir. Durada: 1 minuta 27 Secundas.

La cursa è vegnida interrutta suenter che 19 atlets eran partids en l'emprim percurs. Gia la mesemna n'ha il slalom en la chapitala croata betg gì lieu pervia da schlettas cundiziuns da la pista.

Zenhäusern sin plazza dus

Meglier Svizzer tar l'interrupziun è stà Ramon Zenhäusern sin posiziun dus – sulettamain il Norvegiais Sebastian Foss-Solevaag è stà pli svelt. Loïc Meillard e Daniel Yule èn suandads cun grond dischavantatg sin plazzas set ed otg. Ils resultats na vegnan però betg quintads.

Schletta pista

Raschun principala èn stadas las temperaturas. Pervi da quellas è la pista memia loma. Il vent ferm dals dis avant, ha sco spetgà purtà ina front da malaura sur la citad, cun plievgia ed ulteriur vent ferm.

Uschia vai vinavant

Ils skiunzs sa mettan ussa sin via en l'Oberland Bernais. Gia la sonda è planisà il slalom gigant ad Adelboden. La dumengia suonda lura sin il «Chuenisbärgli» il slalom.

RTR novitads 15:00

Artitgels legids il pli savens

Scrollar a sanestra Scrollar a dretga