Il skiunz svizzer Loïc Meillard ha mussà sia classa ad Aspen ed ha finì la seria da cursas en ils Stadis Unids cun in'ulteriura plazza da podest. Suenter las duas segundas plazzas en ils slaloms gigants, ha Meillard laschà davos el tut ses concurrents en il slalom. Il Romand ha gudagnà cun in grond avantatg da bunamain ina secunda sin il Tudestg Linus Strasser. Terz è vegnì il Norvegiais Henrik Kristoffersen. Per Meillard è quai l'emprima victoria en in slalom da la cuppa mundiala. En tut èsi la terza victoria per Meillard.
Il podest:
- Loïc Meillard (SUI) 1:42,73
- Linus Strasser (GER) +0,89
- Henrik Kristoffersen (NOR) +1,17
Ils ulteriurs Svizzers
- 11. Marc Rochat +1,78
- 14. Luca Aerni +2,05
- 28. Daniel Yule +4,32
