Mikaela Shiffrin è s'annunziada enavos suenter 11 mais, sco victura. L'Americana ha battì en il slalom gigant a Courchevel Federica Brignone e Tesa Worley cleramain.
Michelle Gisin e Lara Gut-Behrami èn sa classadas en las top 10. Gisin ha egualisà sco quarta ses meglier resultat en questa disciplina. Per il podest han mancà 11 tschientavels.
- 4. Michelle Gisin (+1,20)
- 7. Lara Gut-Behrami (+2,09)
- 20. Corinne Suter (+3,98)
- 21. Wendy Holdener (+4,02)
- 25. Mélanie Meillard (+4,76)
Las ulteriuras Svizras – Jasmina Suter, Camille Rast e Priska Nufer – n'èn betg sa qualifitgadas per il segund percurs.
Per Shiffrin è quai stà l'emprima victoria suenter il super-G a Bansko la fin schaner. Suenter lezza cursa era Shiffrin sa retratga da la cuppa mundiala perquai che ses bab era mort surprendentamain.