Lara Gut-Behrami vegn en dischavantatg per il cumbat per la culla gronda da la cuppa mundiala. La Tessinaisa daventa 9avla tar il slalom gigant a Jasna. Sia concurrenta Petra Vlhova gudogna sia cursa da chasa cun 16 tschientavels avantatg, avant Alice Robinson da la Nova Zelanda. Terza daventa l'Americana Mikaela Shiffrin, che manava anc suenter l'emprim percurs.
Stretg cumbat per culla gronda
Cun sia 19avla victoria en la cuppa mundiala vegn Petra Vlhova fitg datiers a l'emprima dal classament general, Lara Gut-Behrami. Il retard munta anc a 36 puncts. Marta Bassino ha gudagnà anc avant il davos slalom gigant previs a Lai, per l'emprima giada la culla pitschna. In quart plaz a Jasna tanscha a la Taliana.
Meglra Svizra daventa Michelle Gisin. Ella fa plaz 8, cun in retard da 1,69 secundas sin Vlhova.
Las ulteriuras Svizras:
- 14. Simone Wild + 2.52
- 16. Wendy Holdener + 2.77
- 21. Vanessa Kasper + 4.08
- 25. Mélanie Meillard + 4.73