La Svedaisa Sara Hector ha gudagnà il slalom gigant a Kranjska Gora a moda suverana. Quai cun in avantatg da bunamain ina secunda sin la Franzosa Tessa Worley. Il podest cumplettescha la Taliana Marta Bassino. Grazia a questa victoria, la segunda da questa stagiun, è Hector er la nova leadra da la disciplina.
- Sara Hector (SWE) 1:07.23
- Tessa Worley (FRA) + 0.196
- Marta Bassino (ITA) + 1.32
Meglra Svizra è Lara Gut-Behrami sin il tschintgavel plaz. La Tessinaisa da 31 onns ha mussà ina ferma reacziun en il segund percurs ed è sa meglierada per 12 plazs. Er tranter ils top 10 è vegnida Michelle Gisin. Ina ferma cursa ha plinavant mussà Andrea Ellenberger ch'è partida sco emprima en il segund percurs e ch'ha fatg bun schizunt 17 posiziuns. Ella è la finala sa tschentadada sin il 13avel plaz.
Las ulteriuras Svizras
Puncts impurtants hai er dà per las ulteriuras Svizras Wendy Holdener, Simone Wild e Vivianne Härri.
- 10. Michelle Gisin
- 13. Andrea Ellenberger
- 17. Wendy Holdener
- 20. Simone Wild
- 27. Vivianne Härri
Las skiunzas èn gia damaun puspè en acziun. Lura è in slalom sin il program a Kranjska Gora.
