L'unica skiunza anc pli en furma che Lara Gut-Behrami è Mikaela Shiffrin. Tar il slalom gigant a Kronplatz en las Dolomitas gudogna ella per la 83avla giada en la cuppa mundiala. L'Americana è stada 45 tschientavels pli sperta che la Tessinaisa. Cun quai ha Shiffrin sco unica il record da las pli bleras victorias en la cuppa mundiala da las dunnas. Ils 8 da schaner ha ella egualisà il record da 82 victorias da sia cumpatriota Lindey Vonn. Ussa mancan be anc 3 victorias fin tar il grond record dad Ingemar Stenmark.
Il podest a Kronplatz:
- Mikaela Shiffrin 58,72
- Lara Gut-Behrami +0,45 secundas
- Federica Brignone +1,43 secundas
Las autras Svizras
Las autras Svizras han plitost gì fadia cun la pista en il Tirol dal Sid. Andrea Ellenberger e Michelle Gisin èn sa qualifitgadas per il segund percurs sco 26 e 28avlas. Ellenberger è crudada enavos sin la 26avla plazza suenter in sbagl en il segund percurs. Gisin ha finì la cursa sco 22avla.
- 22. Michelle Gisin +4,09 secundas
- 27. Andrea Ellenberger +7,85 secundas
Betg en il segund percurs:
- 33. Vanessa Kasper +3,29 secundas
- 40. Camille Rast +3,88 secundas
- 47. Vivianne Härri +4,60 secundas
- 48. Mélanie Meillard +4,85 secundas
- crudada ora: Simone Wild
Il proxim slalom gigant ha lieu gia damaun sin la medema pista.
