Per Marco Odermatt èsi l'emprima victoria da sia giuvna carriera en il slalom gigant. Avant bunamain exact in onn aveva el gudagnà sia emprima cursa en la cuppa mundiala.
Gia suenter l'emprim percurs era il giuven da 23 onns a la testa. Dentant er en il segund percurs ha Odermatt pudì persvader. A la fin è sa resultà in avantatg da 73 tschientavels sin il segund, l'American Tommy Ford. Sin plaz trais suonda il Croat Filip Zubčić.
La rangaziun dals ulteriurs svizzers:
- 4. Loïc Meillard (+0,78)
- 23. Justin Murisier (+1,94)
- 25. Daniel Yule (+2,21)
- 29. Gino Caviezel (+3,94)
Semyel Bissig n'ha betg cuntanschì il segund percurs.
Classament da disciplina
Marco Odermatt resta vinavant a la testa dal classament da disciplina.
- Marco Odermatt, 240
- Filip Zubčić (CRO), 182
- Loïc Meillard, 145