Cun 1,01 secundas avantatg sin il Talian Luce De Aliprandini gudogna Marco Odermatt il segund slalom gigant ad Alta Badia. Sin il terz plaz è il Tudestg Alexander Schmid.
Era Justin Murisier ha mussà ina ferma cursa. El è sa tschentà en il emprim percurs sin plazza 10 e suenter il segund ha el finì sin plazza 6. Loïc Meillard e Daniel Sette èn sin plazza 21 e 26. Gino Caviezel è crudà ora en l'emprim percurs.
Cun sia victoria è Marco Odermatt anc adina l'emprim en il classament general da la cuppa mundiala. Quai cun 633 puncts avant l'Austriac Matthias Mayer che ha 405 puncts.
