Henrik Kristoffersen ha procurà per l'emprima victoria norvegiaisa en il classicher da slalom gigant ad Alta Badia. Il skiunz da 25 onns ha gudagnà avant il Franzos Cyprien Sarrazin ed il Sloven Zan Kranjec.
Ils Svizzers n'èn betg propi vegnids da profitar en il segund percurs da lur bunas prestaziuns da l'avantmezdi. Marco Odermatt è crudà da plaz 2 enavos sin plaz 5. Ed er Loïc Meillard e Justin Murisier n'han betg pudì far bun plazs. Meillard è sco segund meglier Svizzer daventà 12avel e Murisier 15avel.
Resultats intermediars suenter emprim percurs
Ils Svizzers han fatg ina buna figura suenter l'emprim percurs. Marco Odermatt era sin plaz 2 cun mo 7 tschientavels retard sin il Norvegiais Leif Kristian Nestvold-Haugen. Sin plaz trais era il Franzos Alexis Pinturault cun in retard da 0.2 secundas sin l'emprim.
Ils ulteriurs Svizzers
8. Justin Murissier +0.43
11. Loic Meillard +0.66
13. Cédric Noger +0.77
17. Thomas Tumler +0.98
18. Gino Caviezel +0.99
RTR novitads 11:00