Il podest
- 1. Mikaela Shiffrin (USA) 2:15,35 minutas
- 2. Sara Hector (Svezia) +0,86 secundas
- 3. Michelle Gisin (Svizra) +1,08 secundas
L'emprim slalom gigant a Courchevel ha gudagnà Mikaela Shiffrin. Quai avant Sara Hector e Michelle Gisin. L'Americana era considerablamain pli sperta che sias concurrentas. Ella ha battì la Svedaisa cun 0,86 secundas. Il dischavantatg da Gisin sin Mikaela Schiffrin munta 1,08 secundas.
Malgrà in grev temp da preparaziun e pauc trenament ha Michelle Gisin dumagnà da far ina fitg buna cursa. Suenter ch'ella era sin rang 2 a la mesadad da la cursa, ha ella dumagnà da stgatschar la Slovaca Petra Vlhova dal podest.
Las ulteriuras Svizras
- 9. Camille Rast +2,78
- 18. Wendy Holdener +4,03
- 21. Simone Wild +4,69
- 23. Corinne Suter +4,87
Malgrà che Lara Gut-Behrami ha stuì manchentar la cursa èn gist tschintg Svizras sa qualifitgadas per la segunda runda da la cursa e cun quai la mesadad da quellas ch'èn partidas.
Camille Rast ha mussà ina buna cursa ed è vegnida sin plaz 9. Wendy Holdener, Simone Wild e Corinne Suter èn era vegnidas sut las emprimas 30 ed uschia pudì rimnar puncts.
