Il slalom gigant da las dunnas a Killington en ils Stadis Unids ha stuì vegnir annullà durant l'emprim percurs. Nov skiunzas eran partidas, tranter quellas Lara Gut-Behrami e Michelle Gisin.
Pervi dal vent ferm e la visiblitad nauscha han ins stuì interrumper pliras giadas il slalom gigant. La fin finala han ils organisaturs decis d'annullar el. Damaun è planisà a Killington in slalom da las dunnas.
Cursas spustadas a Beaver Creek
La cursa rapida dals umens ch’è vegnida annullada il venderdi vegn prendida suenter l’emna che vegn a Beaver Creek. Uschia stattan da la gievgia enfin la dumengia 4 cursas da speed sin il program: A Beaver Creek 2 super-Gs e 2 cursas rapidas.