Michelle Gisin è vegnida terza en il slalom gigant a Kranjska Gora en Slovenia. Per la skiunz dad Engelberg è quai l'emprima plazza da podest en questa disciplina. Gisin ha gì in retard dad 1 secunda e 46 tschientavels sin la victura, la Taliana Marta Bassino. Segunda è vegnida la Franzosa Tessa Worley.
Segund meglra Svizra è Lara Gut-Behrami sco otgavla ed er puncts da la Cuppa mundiala hai dà per Priska Nufer (19.), Melanie Meillard (20.) e Simone Wild (25.).
Damaun datti in segund slalom gigant. La partenza è da las 09:15 uras.