Las medaglias:
- Sara Hector (SWE) 1:55.69
- Federica Brignone (ITA) + 0.28
- Lara Gut-Behrami (SUI) + 0.72
Las Svizras:
- 9. Wendy Holdener
- 10. Michelle Gisin
- 16. Camille Rast
Sara Hector è gia durant la cuppa mundiala stada la meglra skiunza dal slalom gigant ed ha uss pudì festivar la pli gronda victoria da sia carriera. Lara Gut-Behrami ha mussà ina fitg buna prestaziun en il segund percurs e dumagnà il sigl sin il podest.
Suenter l'emprim percurs dal slalom gigant da las dunnas n'èn naginas da las Svizras stadas davant dal tut. Lara Gut-Behrami era sco meglra svizra 8avla. Michelle Gisin e Wendy Holdener eran sin plazza 9 e 10, Camille Rast 12avla.
A la testa era gia là la top-favurita svedaisa Sara Hector. Quai avant l'austriaca Katharina Truppe e la Taliana Federica Brignone. La campiunessa olimpica dal 2018 Mikaela Shiffrin è cruda ora.