Il podest
- Filip Zubcic, Croazia, 2:15.06
- Zan Kranjec, Slovenia, +0.12
- Marco Odermatt, Svizra, +0.30
Ils Svizzers han persvadì er en il segund slalom gigant da la cuppa mundiala da quest enviern. Marco Odermatt è vegnì terz a Santa Caterina. Gudagnà la cursa ha il Croat Filip Zubcic avant il Sloven Zan Kranjec.
Odermatt ha tar schlettas relaziuns d'aura manchentà la victoria be per 3 dieschavels secunda. Il skiunz da la Svizra Centrala, ch'era vegnì segund a Sölden, è uschia a la testa dal classament general da la disciplina.
Ils ulteriurs Svizzers
- 4. Loïc Meillard
- 16. Semyel Bissig
- 25. Justin Murisier
Loïc Meillard ha manchentà per pauc il podest ed è vegnì quart, quai cun in retard da 66 tschientavels secunda sin il victur. Dals ulteriurs Svizzers è Semyel Bissig rivà surprendentamain sin plaz 16. Il skiunz da la Sutsilvania ha uschia gia en sia emprima cursa da slalom gigant da la cuppa mundiala gudagnà puncts. Sco quart Svizzer è il Vallesan Justin Murisier, vegnì sin plaz 25.
Gino Caviezel, ch'aveva a Sölden segirà in plaz da podest, è crudà ora durant l'emprim percurs. E Cédric Noger, Daniel Yule e Daniele Sette han manchentà la qualificaziun per il segund percurs.
