Siglir tar il cuntegn

Header

video
Marco Odermatt gudogna a Val d'Isère
Or da Sport-Clip dals 09.12.2023.
laschar ir. Durada: 1 minuta 19 Secundas.
cuntegn

Slalom gigant Marco Odermatt è il pli spert a Val d'Isère

A Val d'Isèr gudogna Marco Odermatt il slalom gigant da la cuppa mundiala. El finescha ils dus percurs en 2:13,93 minutas e batta uschia Marco Schwarz per 98 tschientavels. Gia l'emprim percurs ha il dominatur da la stagiun passada decidì a sia favur.

Il podest cumplettescha Joan Verdu, el è uschia l'emprim Andorran che dumogna sin il podest d'ina cursa da la cuppa mundiala. A la fin dal segund percurs han ils skiunzs gì da cumbatter damai ch'igl ha cumenzà a naiver pli e pli fitg. Uschia è Loïc Meillard crudà dal terz sin il sisavel plaz.

In grond sigl ha Sandro Zurbrügg fatg: Da la 30avla plazza en l'emprim percurs è el sa tschentà sin plazza 17. Uschia va el en sia emprima cursa da la cuppa mundiala gia per puncts.

Il podest:

  1. Marco Odermatt (SUI) 2:13,93 minutas
  2. Marco Schwarz (AUT) +0,98 secundas
  3. Joan Verdu Sanchez (AND) +1,32

Ils Svizzers:

  • 6. Loïc Meillard +2,06 secundas
  • 17. Sandro Zurbrügg +4,39
  • 20. Thomas Tumler +4,67
  • 22. Fadri Janutin +5,14
  • OUT Justin Murisier

Gia crudà ora en l'emprim percurs è Gino Caviezel e Livio Simonet n'è betg stà spert avunda per sa qualifitgar per il segund percurs.

video
Odermatt va a la testa en l'emprim percurs
Or da Sport-Clip dals 09.12.2023.
laschar ir. Durada: 1 minuta 48 Secundas.

RTR novitads 11:00

Artitgels legids il pli savens