Slalom gigant parallel - Emprima victoria per il Norvegiais Windingstad
Per l’emprima giada è Rasmus Windingstad sisum il podest tar ina cursa da la cuppa mundiala. Meglier Svizzer tar il slalom gigant parallel ad Alta Badia daventa Justin Murisier.
Sco meglier Svizzer sa classescha Justin Murisier sin plaz 8. Loic Meillard na vegn betg pli lunsch ch'il quartfinal. Ed il Grischun Mauro Caviezel dat si en l'emprim percurs dal 16avel final, suenter ch'el è crudà.
Gia ella qualificaziun èsi stà a fin per Daniel Yule. Gino Caviezel, Thomas Tumler, Ramon Zenhäusern e Cedric Noger èn restads lunsch davent da la decisiun.
