Il slalom gigant parallel ha festivà tar ils campiunadis mundials a Cortina sia premiera. Anc mai n'eri vegnì a questa concurrenza, tant pli spanegià er’ins sin la premiera. E la premiera è ida a fin cun ils campiuns mundials Mathieu Faivre da la Frantscha e Marta Bassino da l’Italia che gudagna ensemen cun Katherina Liensberger da l'Austria aur.
Loïc Meillard è vegni terz e gudogna a Cortina sia segunda medaglia da bronz. L’auter Svizzer ch'era da la partida en las cursas da final, Marco Odermatt, e crudà en il otgavelfinal or da la decisiun.
Wendy Holdener gia baud or da la decisiun
Malgrà che Wendy Holdener ha medem sco Loïc Meillard era gudagnà la qualificaziun n'è ella betg stada buna da far il pass en il mezfinal. Wendy Holdener è crudada ora encunter Paula Moltzan dals Stadis Unids. Davantvart dal tut ha Marta Bassino festivà l'emprima medaglia per l’Italia tar quests campiunadis. Ensemen cun Katherina Liensberger dal'Austria che è vegnida nominada suenter la cursa da la giuria era sco victura.
.
Discussiuns en connex cun ils trajects
Para eran las skiunzas ed ils skiunzs che savevan ir l’emprim sin il percurs blau privilegiads. Durant la cursa s'ha quel sviluppà tar il percurs ch'era pli plauns. Uschia ha quai dà tar il experts tschertas discussiuns davart la ‘fairness’ da las cursas. Quella n'era tenor numerusas vuschs betg garantida.
Ord l'archiv: