Siglir tar il cuntegn

Header

video
Odermatt declassescha la concurrenza
Or da Sport-Clip dals 10.12.2022.
laschar ir. Durada: 1 minuta 33 Secundas.
cuntegn

Slalom gigant Val d'Isère Marco Odermatt gudogna cun grond avantatg

Marco Odermatt gudogna era ils segund slalom gigant da la cuppa mundiala da questa stagiun e repeta sia victoria da l'onn passà a Val d'Isère. En omadus percurs ha il skiunz da la Sutsilvania realisà il meglier temp e declassescha la concurrenza. L'Austriac Manuel Feller ch'è vegnì segund perda 1,4 secundas. Il terz, il Sloven Zan Kranjec perfin 2 secundas. Per Marco Odermatt èsi la 14avla victoria en in cursa da la cuppa mundiala. Il slalom gigant a Val d'Isère è sia terza victoria quest enviern suenter ses triumf en il slalom gigant a Sölden ed il Super-G a Lake Louise.

Ferma prestaziun svizra ed emprims puncts

Sper Marco Odermatt èn anc ulteriurs 6 skiunzs svizzers classads en ils puncts. Tranter quels quatter Grischuns. Thomas Tumler vegn 14avel e realisescha ses meglier resultat en la cuppa mundiala dapi 12 mais.

audio
Thomas Tumler davart ses resultat.
ord RTR Audio dals 10.12.2022. Maletg: Keystone
laschar ir. Durada: 11 Secundas.

Persvadì han era ils dus giuvens Grischuns. Fadri Janutin vegn 17avel e guogna ses emprims puncts en in slalom gigant da la cuppa mundiala.

audio
Fadri Janutin davart ses emprims puncts.
ord RTR Audio dals 10.12.2022. Maletg: Keystone
laschar ir. Durada: 10 Secundas.

Per il Surmiran Livio Simonet datti era en sia segunda cursa en la cuppa mundiala puncts. Il frar pitschen da Sandro Simonet terminescha la cursa a Val d'Isère sco 19avel. Gia tar ses debut en la cuppa mundiala, l'ocotober a Sölden, avevi dà puncts per Livio Simonet sco 25avel.

Ils Svizzers:

  • 1. Marco Odermatt
  • 10. Loïc Meillard +2,95
  • 14. Thomas Tumler +3,62
  • 17. Fadri Janutin +3,87
  • 19. Livio Simonet +4,09
  • 21. Gino Caviezel +4,19
  • 25. Semyel Bissig +4,65
  • OUT Justin Murisier

RTR novitads 14:00

Artitgels legids il pli savens