Siglir tar il cuntegn

Header

video
La cursa da Meillard sin il podest
Or da Sport-Clip dals 11.12.2022.
laschar ir. Durada: 1 minuta 31 Secundas.
cuntegn

Slalom Meillard terz a Val d'Isere

Loic Meillard è partì cun ina plazza da podest en la stagiun da la cuppa mundiala dal slalom.

Il Neuchâtelais è vegni terz a Val d'Isère. Suenter l'emprim percurs era il Svizer anc 5avel. Cunquai è Loic Meillard per la terza giada en in slalom da la cuppa mundiala tranter ils megliers trais. Gudagnà il slalom a Val d'Isère ha il Norvegiais Lucas Braathen avant l'Austriac Manuel Feller.

Megleraziun suenter l'emprim decurs

Segund meglier Svizzer è Daniel Yule sco 7avel. Puncts da la cuppa mundiala datti era per Ramon Zenhäusern sco 15avel. A Val d'Isère ha lieu oz l'emprim slalom da la stagiun dals umens. Suenter l'emprim percurs manava il Norvegiais Henrik Kristoffersen avant ses cumpatriot Lucas Braathen. Terz è l'Austriac Manuel Feller stà. Loïc Meillard è stà sco tschintgavel.

Betg sa qualifitgà per il segund percurs n'è il Grischun Sandro Simonet. Crudads or èn Luca Aerni e Marc Rochat.

Artitgels legids il pli savens

Scrollar a sanestra Scrollar a dretga