Julie Zogg è la nova campiunessa svizra da snowboard en il slalom parallel. Segunda è Jessica Keiser. Sin il terz plaz è Xenia Spörri.
Tar ils umens è Dario Caviezel da Cuira nov campiun svizzer, avant Nevin Galmarini che ha fatg in grond sbagl. Sin plaz trais è Gian Casanova.
Ils campiunadis svizzers han gì lieu dumengia passada a Tavau. Quai en il rom da cursas da la la cuppa europeana. Oriundamain eran els planisads al Rinerhorn. Sin fundament da la blera naiv nova han ins dentant stuì transferir las cursas al Bolgen. Quai communitgescha Swiss Ski.
Ord l'archiv
Il redactur Andreas Wieland ha discutà cun dus anteriurs snowboardists da professiun davart il svilup dal sport. En il discurs vai er per il squitsch: adina pli aut, pli lunsch, dapli saltos e struvas – cun auters pleds: Dapli ristg.
