Siglir tar il cuntegn

Header

cuntegn

Slopestyle Nagins Svizzers en il final

Il final dal slopestyle a Beijing 2022 ha lieu senza umens svizzers. Tant Nicolas Huber sco er Jonas Bösiger n'èn betg sa qualifitgads per il final.

La finala èn els sa classads sco 20 e 25avel. I fetschia mal sch'ins saja uschà datiers, ha ditg Huber ad SRF. Sch'el n'avess betg omaduas giadas fatg in sbagl tar l'ultim sigl, avessi tanschì per ina plazza tranter ils emprims 12 e per il final da glindesdi. Il Turitgais sa senta dentant tuttina in zic sco victur. El ha numnadamain survegnì il status da promi en la China cun quai ch'el era vegnì testà positiv cura ch'el è vegnì en China ed ha stuì ir intgins dis en isolaziun. Cun ses videos ch'el ha mussà sin ses chanals socials, ha el survegnì blera simpatia dals indigens.

video
Il segund percurs da Huber
Or da Beijing 2022 Clips dals 06.02.2022.
laschar ir. Durada: 1 minuta 3 Secundas.

Ch'i possia vegnir stretg per ils dus svizzers era gia sa mussà. Dentant han els tuttina sperà sin il final. Bösiger ha ditg ch'el saja sa sentì fitg bain en il trenament ed el avess spetgà dapli. Perquai saja el er trumpà. Cun il Big Air, ha l'um da 26 onns dentant anc davant el sia disciplina ferma.

video
Il segund percurs da Bösiger
Or da Beijing 2022 Clips dals 06.02.2022.
laschar ir. Durada: 1 minuta 22 Secundas.

SDA / Lea Livers

Artitgels legids il pli savens

Scrollar a sanestra Scrollar a dretga