La finala èn els sa classads sco 20 e 25avel. I fetschia mal sch'ins saja uschà datiers, ha ditg Huber ad SRF. Sch'el n'avess betg omaduas giadas fatg in sbagl tar l'ultim sigl, avessi tanschì per ina plazza tranter ils emprims 12 e per il final da glindesdi. Il Turitgais sa senta dentant tuttina in zic sco victur. El ha numnadamain survegnì il status da promi en la China cun quai ch'el era vegnì testà positiv cura ch'el è vegnì en China ed ha stuì ir intgins dis en isolaziun. Cun ses videos ch'el ha mussà sin ses chanals socials, ha el survegnì blera simpatia dals indigens.
Ch'i possia vegnir stretg per ils dus svizzers era gia sa mussà. Dentant han els tuttina sperà sin il final. Bösiger ha ditg ch'el saja sa sentì fitg bain en il trenament ed el avess spetgà dapli. Perquai saja el er trumpà. Cun il Big Air, ha l'um da 26 onns dentant anc davant el sia disciplina ferma.
