Sulettamain l'Austriaca Sabine Schöffmann è anc avant las Svizras. Ella gudogna cleramain cun 1,29 secundas avantatg avant Julie Zogg. Ladina Jenny gudogna il final pitschen cunter Carolin Langenhorst da la Germania.
Tar ils umens ha be il Grischun Dario Caviezel cuntanschì la runda finala. El sperda en il quartfinal cunter Stefan Baumeister da la Germania e vegn 8avel. Baumeister vegn la fin finala segund davos il Russ Dimitri Loginow.
Ricarda Hauser na cuntanscha betg la runda finala
La giuvna da Scuol terminescha la qualificaziun sin plazza 40. Er Patrizia Kummer (21), Larissa Gasser (28), Xenia Spörri (33) e Flurina Neva Bätschi (49) na vegnan betg sur la qualificaziun ora.
