Snowboard alpin - Emprima victoria en la cuppa mundiala per Ladina Jenny

La snowboardista svizra Ladina Jenny ha l'emprima giada en sia carriera gudagnà ina cursa da la cuppa mundiala. L'atleta da 29 onns ha gudagnà il slalom gigant parallel a Blue Mountain en il Canada. Jenny ha 29 onns ed è oriundamain dal chantun Glaurna. Ella è gia stada quatter giadas segunda e 10 giadas terza. Julie Zogg, Jessica Keiser e Patrizia Kummer èn mintgamai crudadas or en ils otgavelfinals. Tar ils umens n'è nagin Svizzer sa qualifitgà per la fasa da KO. Gudagnà ha là l'Austricac Benjamin Karl.