La snowboardista svizra Patrizia Kummer sa retira dal sport da prestaziun. Ils 18 da mars vegn la victura olimpica vallesana, che ha 35 onns, ad esser per la davosa giada a la partenza d'ina cursa da la cuppa mundiala – quai a Berchtesgaden en la Germania.
Snowboardista svizra cun il pli grond success
Ses temp cun il pli grond success ha ella gì tranter il 2011 ed il 2014 cura ch'ella ha gudagnà trais giadas en seria la valitaziun parallela en la cuppa mundiala, triumfà als gieus olimpics a Sotschi sco top favurita ed il medem enviern gudagnà sco suletta snowboardista enfin oz tuttas trais cullas da cristal da la cuppa mundiala. Ultra da quai ha ella gudagnà duas giadas argient a campiunadis mundials il 2013 e 2017 ed ina giada bronz il 2009.
Suenter n'hai betg pli dà uschè blers success e sias successuras Julie Zogg e Ladina Jenny èn vegnids pli fitg en il focus. Il terz plaz il schaner a Bansko è per Kummers stà l'emprima plazza da podest suenter bunamain quatter onns.