Siglir tar il cuntegn

Header

cuntegn

Snowboard Culla pitschna da cristal per Zogg

Al final da la stagiun dals snowboardists alpins, en il slalom parallel gudogna ella per la segunda giada la stagiun. Grazia a ses triumf a Berchtesgaden gudogna ella per la terza giada la culla da cristal pitschna.

Legenda: Julie Zogg gudogna en la disciplina dal slalom parallel. Keystone

La Svizra da 28 onns ha profità da quai che la campiunessa mundiala da la Russia, Sofia Nadyrschina è crudada ora gia baud. En il final grond è Zogg lura sa messa tras encunter Selina Jörg, la campiunessa en il slalom gigant parallel. Las duas autras svizras, Patrizia Kummer e Ladina Jenny èn stadas a pender gia en l'emprima runda da K.O.

La victoria en la disciplina dal slalom parallel è per Zogg la consequenza da sia gronda constanza. Be ina giada ha ella manchentà questa stagiun ils top 5. Ma quest incap è capità gist als campiunadis mundials a Rogla. La cuppa mundiala finescha Zogg sin plaz 3, e quai er sco meglra svizra.

audio
Per tadlar: las novitads da las 17:00
04:46 min, RTR Audio dals 20.03.2021.
laschar ir. Durada: 04:46 minutas.

RTR novitads 17:00

Artitgels legids il pli savens

Scrollar a sanestra Scrollar a dretga