Capità è quai l'emna passada en il trenament a Leysin. In MRI ha mussà la ruptura en il schanugl sanester. L'operaziun ha Burgener gì dumengia passada.
Entras questa blessura manchenta Pat Burgener ils campiunadis mundials ad Aspen che cumenzan proxim'emna.
Igl è grev d'acceptar questa blessura. Jau fiss stà pront per defender mia plazza da podest.
Als ultims dus campiunadis mundials a Sierra Nevada en Spagna ed a Park City en il Stadis Unids, era el mintgamai vegnì terz. L'onn proxim ha el er gia la proxima finamira en mira. Il temp da reconvalescenza vul el er giudair per far musica e registrar ses emprim album.