4,25 milliuns francs è la part che la citad da Cuira duai pajar per las occurrenzas da sport mundialas per persunas cun impediments corporals e spiertals. Uss ha la citad deliberà il messadi per mauns dal cussegl da la citad. Totalmain è l'eveniment calculà cun 38 milliuns francs. Il mars 2029 è Cuira la citad ospitanta da quels gieus cun passa 2'000 participats e participantas or da 100 naziuns. Arosa e Lai èn ulteriuras destinaziuns. Quellas duain contribuir mintgamai 700'000 francs.
Ils passa quatter milliuns francs da Cuira dovran il consentiment dal pievel che duai decider ils 13 da favrrer 2022. Senza il sustegn da la citad che ha da l'entschatta ennà tratg il char per schar vegnir en il Grischun l'eveniment, n'è la realisaziun però betg pussaivla.
