Annina Tomaschett da Trun è stada la meglra tiradura svizra a la concurrenza internaziunala da tir da la «Rifle Trophy». Quella ha gì lieu la fin d'emna en Tschechia, rapporta la FMR. En la concurrenza cun buis sur la distanza da 10 meters è ella daventada 10avla en la qualificaziun cun 625,6 puncts. En pli è ella stada meglra svizra en il match da trais posiziuns sur la distanza da 50 meters, sco 11avla. Ed er in 11avel rang hai dà per ella e Lars Färber da Favugn en l'occurrenza da team e cunquai stà il meglier team svizzer.
