L’anteriur ciclist svizzer Fabian Cancellara vegn sco emprim sportist svizzer prendì si en l’Academia da sport Laureus.
Quest gremi ha passa 60 commembers. I sa tracta dad anteriurs sportists che han mintgamai dominà lur disciplina per onns. Sche insatgi vegn prendì sì en l’Academia da sport Laureus decidan ils commembers da l’academia. En quest gremi èn, tranter auters, Franz Beckenbauer, Boris Becker e Alberto Tomba.
Gronda onur per Fabian Cancellara
Per Cancellara è quai ina gronda onur da daventar commember da l’Academia Laureus. El saja fitg cuntent da pudair s’engaschar vinavant per il sport, uschia Cancellara.
RR novitads 15:00