Siglir tar il cuntegn
Inhalt

Sport Divers 4 svizzers tranter ils emprims 10

Felix Neureuther gudogna il slalom a Levi en Finlanda. Gist quatter Svizzers èn tranter ils megliers 10 e mo pauc ha mancà per in plaz da podest.

Daniel Yule
Legenda: Daniel Yule (maletg) e Luca Aerni han manchentà per pauc il podest. Keystone

Pauc ha mancà per il podest. Daniel Yule e Luca Aerni èn vegnids ex aequo quarts, sulet 9 tschientavels davos il podest. Il davos plaz da podest per ils umens svizzers aveva i dà avant 7 onns. Lura era Silvan Zurbriggen vegni segund en il slalom da notg a Schladming. Ussa sto la Svizra spetgar vinavant. Ma la prestaziun dad oz è in cler signal, ch'il proxim plaz da podest pudess gia prest esser realitad.

  • 4. Daniel Yule + 0.54
  • 4. Luca Aerni + 0.54
  • 6. Loic Meillard + 0.71
  • 10. Reto Schmidiger + 0.93

Victoria per Felix Neureuther

Il Tudestg Felix Neureuther ha gudagnà il slalom cun in avantatg da 37 tschientavels sin il Norvegiais Henrik Kristoffersen. Sin plaz trais è il Svedais Mattias Hargin. L'Austriac Marcel Hirscher ha pers bler temp en il segund percurs ed è mo vegnì 17avel. Insumma èsi stà ina trumpada per ils Austriacs. Marco Schwarz sco 13avel è stà il pli spert da l'equipa da l'Austria.

Trumpada per Ryding

Suenter l'emprim percurs era Dave Ryding sin plazza 1. Era en il segund percurs era il Brit fitg bain en la cursa. Ma lura è Ryding crudà ora. Quai cura ch'el aveva in avantatg d'ina mesa segunda.

RR Sportissimo 17:00