Era en il Grischun mancan in zic ils arbiters da ballape. Perquai organisescha la Federaziun grischuna da ballape (BFV) sairadas d’infurmaziun nua che quest hobi vegn preschentà a fund. Pertge betg far ina carriera sco arbiter, sche il talent na tanscha betg per far il pass en la Super League da ballape. Forza ch'ins ha dapli talent per il metier da l’arbiter. Forsa ch'ins ha dapli dun per manar in gieu da ballape che per giugar ballape.
Il BFV porscha educaziun per arbiters
En differents curs pon ins emprender l’amulain e las reglas dal ballape. E lura ston ins esser bun dad interpretar scenas ed acziuns sin il pastg entaifer d'in batterdegl e decider sche l’acziun correspunda a las reglas u betg. In buna arbitra, in bun arbiter guida il gieu senza ch'ins vesa ella u el sin il plaz. En tschertga dad exact quellas persunas è il BFV.
Numerus referents raquintan durant la proxima saira d’infurmaziun en la clinica Waldhaus a Cuira sur da lur experientschas e sur da lur via al arbiter/ra da ballape.