Siglir tar il cuntegn

Header

cuntegn

Ballarait sin sablun Campiunadis grischuns – ina societad conspirativa

Las equipas èn s'entupadas a Glion ed il plaschair stat avant il gudagnar.

Gia cura ch’ins arriva sin il plaz da ballarait a Glion Fontanivas èsi cler, qua mintgin che enconuscha mintgin. Famigliar amicabel gie ins savess dir ina truppa conspirativa che sa rimna per lur hobi.

Umens e dunnas, buobs e buobas gidan in l'auter da sa preparar, discurran e giaudan il star ensemen. Sin ils trais plazs da gieu na datti nagin arbiter. Ils puncts dumbran ils giugaders sezs. Dispitas, schebain il bal era en u ora, na datti betg.

Ils campiuns

Textbox aufklappenTextbox zuklappen

Umens

  • Andreas Catschegn / Philipp Brunner

Dunnas

  • Nina Gallmann/ Andrina Carigiet

Mixed

  • Lucas Tschaler / Andrina Carigiet

U 15 buobs

  • Ferreira Erik / David Flurin Cabernard

U15 buobas

  • Fiona Trepp / Emina Heinz

La nova categoria U17 Mixed

  • Nicolas Cantieni / Anna Vesti

Spontan nova categoria U17 mixed

Che l’organisaziun è famigliara han ins sentì, cura che las trais giuvnas èn vegnidas sin il plaz, che eran crudadas ord il turnier a Grabs. Ensemen cun in pèr giuvens è vegnì organisà ina nova categoria U17 e quai è ina premiera en il Grischun, ha Roman Cantieni l'organisatur dals campiunadis grischuns a Glion ditg a RTR. La finala gudagnà quest titel grischun ha Anna Vesti ensemen cun Nicolas Cantieni.

La pli gronda gruppa als campiunadis èn stads cun 12 equipas ils umens. Là èn ils favurits Andreas Catschegn e Philipp Brunner ids cun las arbajas.

RTR actualitad 12:00