Siglir tar il cuntegn

Header

audio
La tiradura Annina Tomaschett avant ses emprim campiunadi europeic
Or da Sportissimo dals 16.02.2020.
laschar ir. Durada: 05:46 minutas.
cuntegn

Buis d'aria Il siemi campiunadi europeic da tir è realitad

Sco emprima juniora grischuna è Annina Tomaschett da Trun sa qualifitgada per in campiunadi europeic da sajettar cun la buis d'aria sin 10 meters. Ch'ella è sa qualifitgada ha ella d'engraziar a ses grond svilup ils ultims mais.

La stad passada è Annina Tomaschett stada l'emprima tiradura sursilvana ad ina concurrenza da la cuppa mundiala. Uss è ella l'emprima juniora grischuna che po ir ad in campiunadi europeic.

Siemià hai adina - realisà però pir, cura che hai legì nair sin alv.
Autur: Annina Tomaschetttiradura

Sajettar cun la buis d'aria e cun il caliber pitschen è sia passiun. Annina Tomaschett che cumplenescha quest onn ses 20avel anniversari sajetta dapi ch'ella è ina mattetta – infizada da ses bab, ses augs e ses fragliuns. Il pli gugent sajetta ella cun sia buis d'aria sin la distanza da 10 meters. E sin quella distanza sa mesira la giuvna talentada da Trun ils 25 da favrer cun 60 concurrentas da l'entira Europa. Ella è ina da 14 tiradurAs che represchenta la Svizra al campiunadi europeic en Pologna.

Sch'jau vegn da clamar giu mes maximum pussaivel a l'EM, lura sun cuntenta.
Autur: Annina Tomaschetttiradura

Per ses grond siemi desista Annina Tomaschett sin bler. Ella sa che da nagut vegn nagut. En vista a l'EM va ella mintga fin d'emna a Magglingen a trenar. Plinavant fa ella ina giada l'emna viadi en Glaruna, en in dals centers regiunals per talents giuvens. E bler trenescha ella a chasa, en il stan da tir a Trun.

Il campiunadi europeic da sajettar cun buis d'aria e cun pistola cumenza glindesdi, ils 24-2 e cuzza fin l'emprim da mars. Il grond di d'Annina Tomaschett en Pologna è mardi ils 25-2. Sustegn giu da la tribuna d'aspectaturAs survegn ella da ses geniturs e ses fragliuns.

RTR sportissimo 17:00

Artitgels legids il pli savens

Scrollar a sanestra Scrollar a dretga