Siglir tar il cuntegn

Campiunadis mundials Il pli «in» è il zibelin

Malgrà las temperaturas chaudas a Moscau avain nus tuttina vulì vesair la moda d'enviern russa ed avain visità ina butia da pails.

Pails da tut ils pussaivels animals dat quai er sco chapitschas en la stizun da pail a Moscau.
Legenda: En ina butia da pail Pails da tut ils pussaivels animals dat quai er sco chapitschas en la stizun da pail a Moscau. RTR, Sabrina Bundi

Tschients pails brins e nairs e schizunt colurads pendan en furma da mantels, giaccas chapès ubain chapitschas en la stizun Elena Furs a Moscau. Ils pli populars sajan la mustaila americana (Nerz) ed il zibelin, dentant d'anflar è er pail castur, cunigl, furet, chaura, nursa, stgilat e schizunt muntanella. Chars èn els tranter 700 e 30'000 francs. Tranteren è da chattar tut.

Ed ils animals? Co èn quels vegnids tratgs? La vendidra di ch'il pail derivia d'aucziunaris da pail sco la North American Fur Auction a Toronto. Lezza scriva sin sia pagina d'internet, che las farmas d'animals sajan suttamessas a strictas reglas e ch'ils animals selvadis sajan vegnids pigliads cun las pli umanas metodas.

RR actualitad 12:00