Ils temas da la terza baterlada
- Il meglier ballapedist ch'il Grischun ha gì fin uss, Paul Friberg (anteriur giugader dals FC Son Gagl e FC Lucerna), enconuscha bain il trenader naziunal Vladimir Petkovic ed ha er ses numer da natel. Cun el saja el adina puspè en contact, ha ditg Friberg. Dat el forsa er tips a Petkovic? Tge di el dal campiunadi mundial fin uss?
- Er tema è natiralmain l'ultim gieu da gruppa da l'equipa naziunala Svizra cunter la Costa Rica. A la Svizra basta in pari per vegnir en l'otgavel final. Per daventar emprim da la gruppa fissi dentant da gudagnar, quai è er la finamira da Petkovic.
- Discurs cun Flavio Candinas, il giugader da la vart da Zuzwil. El è in grond fan da bal e manegia che la Frantscha daventia campiun mundial. Per el fiss in highlight sche la Svizra fruntassi en l'otgavel final sin la Germania e bittas ord il turnier il campiun mundial dal 2014.
- Ils adversaris dals emprims otgavels finals èn enconuschent (FRA-ARG, URU-POR, ESP-RUS, CRO-DEN) e quai dat er da discurrer en la canorta dal Radio Rumantsch.
audio
La terza balla-baterlada
ord Actualitad dals 27.06.2018.
Maletg: RTR, Isabelle Jäger
laschar ir. Durada: 56 minutas 43 Secundas.Ils temas suenter la segunda emna
- L'emprim baterlada da la segunda canorta hai dà cun Mario Dietrich, in grond fan da ballape. Per il gieu cardinal da la Svizra cunter la Serbia vesa el mo ina strategia: «enavant, enavant». Quai che pertutga la cumposiziun dals giugaders avess el dentant schon ina proposta: far ina midada davanttiers.
- E suenter èsi ì en lingia directa en la Russia: tar Kevin Albin, Romano Candinas, Damian Mazzetta e Carlo Bearth ch'èn amez l'eveniment en Russia. Els han raquintà co igl è da sustegnair l'equipa en Russia. Ma els van betg mo per l'equipa svizra els stadions. Els èn stads e van a mirar gieus a Rostov, St. Petersburg, Moscau e Nuschni.
Legenda:
Quest quartet n'ha betg mo sustegnì la svizra davent da la patria.
MAD
audio
La segunda balla-baterlada
ord Actualitad dals 22.06.2018.
laschar ir. Durada: 54 minutas 45 Secundas.Ils temas da la premiera
- La balla-baterlada ha cumenzà cun Romana Brunold. Ella ans ha quintà la reacziun da sia famiglia sin sia bandiera favurisada e raquintà dals «cumbats» en stiva durant ils gieus.
- Ed er la segunda candidata è stada ina dunna: Elisabeth Catschegn. Ella ans ha declerà ses dilemma tar l’emprim gieu da la Svizra.
- Nus avain er discurrì cun Dario Cathomas. El crai ch’i pudess vegnir in bun campiunadi per l’Engalterra e manegia che l’equipa vegn enfin en il mez-final. Là perdia ella però pli tgunsch la cursa cunter la Brasilia. Er quai che pertutga la Svizra è el optimistic. El tema dentant la concurrenza vischina: la Germania.
- Il cor da Daniel Blumenthal batta per la patria, la Brasilia u la Belgia. Ils gieus da la patria vegnia el per franc betg a manchentar. E quels gieus na mira el betg sin il canapé...
- Ils fegls da Jeremias Risch èn nars da rimnar paninis ed ans ha raquintà da la via enfin tar il cudesch plain. E raquinta dals usits en famiglia durant il campiunadi mundial.
- Ed er nossa moderatura Georgina Janki ha raquintà da sia relaziun cun il ballape e co ch’ella è vegnida tar ses assistent da studio durant la canorta, la schimgia da plisch Sir David.
Legenda:
En team schi ferm sco l'equipa englaisa?
RTR, Isabelle Jäger
- A fin è la canorta ida cun tuns sonors: noss moderatur da l’emprima canorta, Guido Derungs ha chantà l’imni svizzer.
audio
Balla-baterlada dals 15.06.2018
ord Actualitad dals 15.06.2018.
Maletg: RTR
laschar ir. Durada: 56 minutas 46 Secundas.Making of balla-baterlada
Avant che cumenzar a baterlar davant ballape, han Georgina Janki ed ses assistent Sir David anc preparà il studio.
video
Balla-baterlada: la canorta sportiva cun Georgina
Or da RTR dals 12.06.2018.
laschar ir. Durada: 1 minuta 2 Secundas.RR balla-baterlada
