Las medaglias èn ina maschaida da merit, tranter squadra ed atletas.
Beat Tschuor il trenader da skis alpin da l'equipa da dunnas svizra, è turnà cun 6 medaglias da Cortina. El sa ussa giudair be dus dis ruaus e lura va la cuppa mundial vinavant. Sco el ha tradì ad RTR saja el stanchel e cuntent en ina. Ins dastga sa legrar da tut las medaglias, da la svizra di el.
La cultura da prestaziun en la squadra cun top atletas gida tuttas da savair nua ma chat jau e tge dovri anc.
Els hajan cuntanschì las finamiras ed avessan cun in zic dapli cletg fatg anc dapli medaglias, ha el tradì. Dentant hajan els nizzegià il cletg dal mument e possian esser fitg cuntents.
Slalom parallel: Igl è pli simpel da crititgar [...] la plaunca n'aveva betg ina pendenza guliva ed or da quai è sa resultà in cumbat tendenzial betg dal tut fair.
Nus essan sin viadi en squadra. Las atletas èn dentant individis, che ston guardar per sasezzas a la partenza.