Janka fa surstar ad Alta Badia

Carlo Janka vegn segund al slalom gigant parallel ad Alta Badia. Il Grischun ha pers il final cunter il Franzos Cyprien Sarrazin cun be 10 tschientavels retard.

podest cun trais skiunzs Bild in Lightbox öffnen.

Legenda da maletgs: Il podest ad Alta Badia: da san. Carlo Janka (2.), Cyprien Sarrazin (1.), Kjetil Jansrud (3.) Keystone

Terz è il Norvegais Kjetil Jansrud. Gino Caviezel è vegnì setavel. En il quartfinal avevi dà il duel svizzer tranter Caviezel e Janka.

Ils ultims dis n'ha Carlo Janka betg pudì reussir a las cursas da Val Gardaina. En il slalom gigant è el schizunt crudà or.

Surpraisa Sarrazin

Il Franzos da 22 onns ha fatg pir sia setavla cursa da la cuppa mundiala da skis. Ses meglier resultat fin qua era ina plazza 24 al slalom gigant a Val d'Isère. Il format um cunter um n'è dentant betg da cumparegliar cun ina cursa normala. I dat bler spazi per surpraisas.

RR novitads 20:00