Siglir tar il cuntegn

Header

Skiunz da slalom en acziun
Legenda: Sandro Simonett en acziun Finalmain cumenza era la nova stagiun da slalom Keystone
cuntegn

Ski alpin – slalom Stuì spetgar ditg

Pervia da corona n'ha la stagiun da slalom dals umens betg cumenzà sco usità il november a Levi. Bunamain in mais pli tard pon uss er els lantschar lur stagiun cun dus slaloms en Italia. Sandro Simonet, il sulet Rumantsch a la partenza, spera sin dapli constanza che la stagiun passada.

Sandro Simonet sa legra ch'i va finalmain liber. L'equipa da slalom svizra haja trenà bain ed intensiv. La stad ha il skiunz surmiran puspè filà cundiziun sut la batgetta da Michi Bont. Sandro Simonet crai da puspè avair fatg in pass enavant. Surtut quai che pertutga sia constanza. Ils trenaments dominescha el stedi. En las cursas na gartegia stedi betg da dumagnar dus buns percurs en l'arrivada. Da 9 cursas l'onn passà è Sandro Simonet be 3 giadas sa classà en ils puncts.

Dals 8 spezialists da slalom svizzers che van a la partenza ad Alta Badia (21-12) ed a Madonna di Campiglio (22-12) è Sandro Simonet il sulet Grischun e Rumantsch. Per la fidanza e la cuntinuaziun da la stagiun spera el ch'i reusseschia gist en las emprimas cursas da far puncts. Bunas regurdientschas ha il Surmiran en tutta cas da Madonna di Campiglio nua ch'el ha realisà l'onn passà il quart svelt temp en il segund percurs e la finala terminà il slalom da la cuppa mundiala sco 12avel.

RTR actualitad e sport 17:00

Artitgels legids il pli savens

Scrollar a sanestra Scrollar a dretga