Siglir tar il cuntegn

Header

cuntegn

Ski alpin Tamara Wolf – nova experta da skis tar SRF

L’onn 2003 è Tamara Wolf vegnida champiunessa mundiala da junioras. Numerusas feridas han dentant franà il talent da skis. Uss e Tamara Wolf experta da skis tar la televisiun svizra.

Ella valeva sco grond talent da skis. Tamara Wolf da Puntraschigna. L’onn 2003 è ella vegnida champiunessa mundiala da junioras. Quai anc avant las grondas Lindsey Kildow, Julia Mancuso ed era avant Maria Risch. Tar l’elita na ha il grond talent da skis dentant mai reussì. Feridas han franà adina puspè Tamara Wolf. Suenter che la giuvna skiunza è puspè sa blessada l’onn 2011 tar il trenament a Zuoz ha ella dà enconuschent la fin da sia carriera.

audio
Tamara Wolf, nova experta da skis tar SRF
ord Sportissimo dals 26.10.2019.
laschar ir. Durada: 4 minutas 20 Secundas.

Prioritad: professiun

Gia durant la carriera activa sco skiunza ha Tamara Wolf cumenzà cun in studi d’economia. Suenter il studi ha ella cumenzà da lavurar en la branscha da finanzas sco revisura. L’emprim a Cuira, lura a Turitg e dapi dus onns uss a Zug.

Adina è Tamara Wolf dentant restada en contact cun il circus da skis. Uschia è ella vegnida dumandada da surprender la rolla da co-commentatura ed experta da skis tar la televisiun svizra SRF. Ensemen cun ils commentaturs Marco Felder e Michelle Schönbächler commentescha Tamara Wolf las cursas da skis da las dunnas. L’emprima giada tar la partenza da la nova stagiun da la cuppa mundiala a Sölden.

RR Sportissimo 17:00

Artitgels legids il pli savens