Siglir tar il cuntegn

Maraton da skis engiadinais Annunzias per Maraton skis engiadinais restan stabilas

Var dus mais avant il 49avel Maraton da skis engiadinais han ils organisaturs gia survegnì passa 10'500 annunzias. Quai saja cumparegliabel cun l'onn passà, scrivan ils responsabels dal maraton. Ed er per la cursa da notg engiadinaisa datti annunzias.

Er quest onn sa participeschan blers millis a l'eveniment d'enviern en l'Engiadina.
Legenda: Ils organisaturs sa mussan cuntents cun il dumber d'annunzias. Er quest onn sa participeschan blers millis a l'eveniment d'enviern en l'Engiadina. Keystone

Malgrà che la naiv è quest’enviern vegnida pir tard, pon ils organisaturs dal Maraton da skis engiadinais nudar passa 10'500 annunzias. En tut èn 45 squadras da fatschentas e 35 classas da scola s’annunziadas l'eveniment dals 12 da mars 2017.

Per la 18avla cursa da dunnas èn fin uss s’annunziadas radund 600 participantas (33 squadras), scrivan ils responsabels.

Trais dis avant il grond maraton, ils 9 da mars, è la premiera da la cursa da notg engiadinaisa. Per questa cursa èn s'annunziadas fin uss 145 persunas. Ils organisaturs speran sin 300 fin 400 participants.

RR novitads 10:00