Siglir tar il cuntegn

Header

cuntegn

Maraton da skis engiadinais Dubla victoria svizra

Tar il umens gudogna Roman Furger e tar las dunnas Nadine Fähndrich.

Il podest dals umens:

  • 1. Roman Furger (CH), 1:34.05,2
  • 2. Martin Collet (F), 1:34.06,3
  • 3. Louis Schwartz (F), 1:34.06,4

Gia per la terza giada gudogna il Svizzer Roman Furger il Maraton da skis engiadinais. Furger ha cumenzà baud il spurt ed è vegnì ad ina clera victoria tar la cursa da giubileum. Segund e terz daventan dus Franzos, Martin Collet e Louis Schwartz.

Il podest da las dunnas:

  • 1. Nadine Fähndrich (CH), 1:38.35,3
  • 2. Rahel Imoberdorf (CH), 1:39.56,0
  • 3. Chelsea Holmes (USA), 1:41.27,3

Tar las dunnas gudogna Nadine Fähndrich. Ella procura uschia per l'emprima victoria d'ina Svizra dapi il 2009 – quella giada era Seraina Mischol stada la pli svelta. Segunda è vegnida Rahel Imoberdorf dal Vallais e terza Chelsea Holmes dals Stadis Unids.

Il meglier Grischun è Jöri Kindschi da Tavau sin plaz 9 e tar las dunnas daventa Jogscha Abderhalten da Zernez 12avla. Victurs dal Maraton da skis engiadinais èn dentant er tut ils auters participants che han fatg ubain il maraton da Malögia a S-chanf u il mez-maraton da Malögia a Puntraschigna. Noss reporter Roman Dobler ha ramassà reacziuns a la fin da la cursa.

audio
Reacziuns da curridurs suenter il Maraton da skis engiadinais
aus Sportissimo vom 11.03.2018.
abspielen. Laufzeit 1 minuta 52 Sekunden.

Il matador local Curdin Perl è daventà 30avel. Sco el ha raquintà envers RTR ès el cuntent cun sia prestaziun ed ha giudì la cursa er sche ses skis n'èn betg stads perfetgs.

audio
Intervista cun Curdin Perl
aus Sportissimo vom 11.03.2018.
abspielen. Laufzeit 2 minutas 51 Sekunden.

RR novitads 11:00

Artitgels legids il pli savens

Scrollar a sanestra Scrollar a dretga