Maraton da skis engiadinais - Al puls dal maraton da giubileum - Sport

Resultats, impressiuns ed istorgias dal maraton da giubileum – Sin il current cun il liveticker dad RTR.

Il ticker è a fin

15:05
Quai fiss stà da nus per vus...

Engraziel per l'attenziun ed ina bella saira.
PS: reacziuns, resuns e critica gugent trametter a multimedia@rtr.ch
Salids en il num da l'entir team online da RTR, Gionduri Maissen
14:59
Gratulaziun a tuttas e tuts participands dal maraton da giubileum

Ma surtut ina cordiala gratulaziun a Serafin Beer per sia prestaziun.

Legenda: Serafin Beer cun la medaglia da (victur) finisher. RTR, Andreas Wieland
14:33
Serafin Beer cuntanscha l'arrivada sco 8235avel

La finamira è cuntanschida Serafin Beer a l'arrivada a S-chanf. El dumogna la distanza da 42 kilometers en 4 uras e 38 minutas.

Legenda: Andreas Wieland e Serafin Beer a l'arrivada a S-chanf. RTR, David Spinnler
13:57
Roman Furger: Il retg da l'Engiadina

Intervista cun il victur traidubel dal Maraton da skis engiadinais.

video
Roman Furger
Or da RTR dals 11.03.2018.
laschar ir. Durada: 1 minuta 7 Secundas.
13:47
Nadine Fähndrich: La regina da l'Engiadina

L'intervista cun la victura dal 50avel Maraton da skis engiadinais.

video
Nadine Fähndrich
Or da RTR dals 11.03.2018.
laschar ir. Durada: 1 minuta.
13:42
Serafin Beer è anc sin viadi

Serafin è il mument datiers da Zuoz, uss na vai betg pli uschè ditg....ma ì fa mal dapertut.

video
Serafin Beer a Bever
Or da RTR dals 11.03.2018.
laschar ir. Durada: 17 Secundas.
12:26
Il guaud da Staz la passascha difficila.....

Serafin Beer n'ha dentant betg giu gronds problems, tuttina è la via anc lunga fin a S-chanf. Uss hai num tegnair la dira.

video
Descensiun guaud da Statz
Or da RTR dals 11.03.2018.
laschar ir. Durada: 39 Secundas.
12:00
L'emprim Maraton da skis engiadinas

Ils 16 da mars 1969, 950 dunnas e umens partan per l'emprim Maraton da skis engiadinais. La naschientscha da la pli gronda cursa populara en Svizra.

video
La naschientscha da la pli gronda cursa da passlung en Svizra
Or da RTR dals 09.03.2018.
laschar ir. Durada: 28 Secundas.
11:36
Era la politica è preschenta en l'Engiadina

Mario Cavigelli, president da la regenza grischuna, Dominique de Buman, president dal Cussegl naziunal cun Martin Candinas, cusseglier naziunal.
11:22
L'intervista cun il victur Roman Furger

Gia per la terza giada gudogna Roman Furger il Maraton da skis engiadinais.

audio
Il victur Roman Furger e la victura Nadine Fähndrich
ord Actualitad dals 11.03.2018.
laschar ir. Durada: 2 minutas 42 Secundas.
11:01
Serafin Beer è arrivà tar l'emprim post da bavrondas

Uss po Serafin Beer far ina pausa per sa rinforzar....uss spetga il guaud da Staz.

video
Serafin Beer po far ina pausa e guder il buglion
Or da RTR dals 11.03.2018.
laschar ir. Durada: 22 Secundas.
10:13
Nadine Fähndrich victura da las dunnas

Cun in grond avantatg gudogna Nadine Fähndrich tar las dunnas. Segunda vegn la Svizra Rahel Imoberdorf, terza vegn Chelsea Holmes dals Stadis Unids. Meglra grischuna vegn Jogscha Abderhalden da Zernez sco 12avla.
10:05
Roman Furger gudogna il maraton da giubileum

Quai la terza victoria per il currider svizzer. Segund vegn il Franzos Martin Collet, Louis Schwarz vegn terz. Meglier grischun vegn Jöri Kindschi da Tavau sco 9avel, Cédric Steiner da Tavau vegn 13avel, Livio Bieler era da Tavau vegn 16avel.

video
Ils ultims meters a la terza victoria da Roman Furger al maraton engiadinais
Or da RTR dals 11.03.2018.
laschar ir. Durada: 46 Secundas.
9:57
Uss è era Serafin Beer partì a Malögia....

sche ti vul mirar live alura poss accumpagnar Serafin Beer sin ses viadi a S-chanf.
9:28
Serafin Beer è pronts per parter

ma era il currider da Mustér fa quitads da l'aura....

audio
Serafin Beer al start da ses emprim maraton
ord Actualitad dals 11.03.2018.
laschar ir. Durada: 3 minutas 29 Secundas.
9:23
L'aura sa mida...

L'aura sa mida cunzunt ils curriders normals pudessan vegnir en la plievgia.

audio
L'aura sa mida ì vegn a plover
ord Actualitad dals 11.03.2018.
laschar ir. Durada: 50 Secundas.
9:20
Suenter 40 minutas....

Ina gruppa da radund 14 curriders è il mument a la testa da la cursa....

audio
L'elita è dapi 40 minutas sin viadi da Malögia a S-chanf
ord Actualitad dals 11.03.2018.
laschar ir. Durada: 1 minuta 26 Secundas.
9:08
50 onns maraton da skis engiadinas...

e Françoise Stahel è anc adina da la partida....
8:33
Start da l'elita

L'elita è partida a Malögia cun la chanzun da «Conquest of Paradise» #heja...
e da las 09:20 parta alura Serafin Beer che nus accumpagnain live.

Legenda: L'elita è partida a Malögia. Swiss-image.ch
8:17
Radio live dal maraton...

Anc fin oz a las 12:30 rapporta Livio Foffa e ses giast e expert Curdin Kasper live da S-chanf.

Legenda: Livio Foffa e Curdin Kasper rapportan live dal Maraton da skis da giubileum. RTR