Siglir tar il cuntegn

Maraton da skis 2018 Record d'annunzias era tar la cursa da las dunnas

Passa 1'100 annunzias hai dà per la cursa da las dunnas ch'è in'emna avant il maraton engiadinais. Las dunnas partan a Samedan e van 17 kilometers enfin S-chanf.

Curriders.
Legenda: Cursa tradiziunala da las dunnas – ellas curran la dumengia avant il maraton engiadinais. Keystone

Per las inas è la cursa da las dunnas divertiment. Ellas giaudan la cursa tras l'Engiadina. Per autras èsi ina concurrenza, uschia per las favuritas sco Rahel Imoberdorf ni Sereina Livers-Boner.

Bunas premissas

Tant las temperaturas sco era la situaziun da naiv èn bunas. Era il dumber d'annunzias è auts, uschè auts sco anc mai. D'ina vart hai dà ina u l'autra annunzia per la cursa da dunnas, perquai ch'il maraton è gia exaust dapi in temp.

Ma tenor il schef dil maraton, Menduri Kasper, èsi pli impurtant, che las cundiziuns da trenar sajan gia l'entir enviern fitg bunas, era en la Bassa. Quai haja il pli grond effect.

Partenza per la cursa da las dunnas è dumengia davent da las 10:00 tar l'arena Promulins a Samedan.

RR sportissimo 17:00

50 onns maraton da skis engiadinais

50 onns maraton da skis engiadinais

Dapli infurmaziuns chattais vus qua.