Siglir tar il cuntegn

Header

Navigaziun

cuntegn

Maraton da skis 2019 Cologna per la quarta – von Siebenthal per l'emprima

Dario Colgona gudogna per la quarta giada il Maraton da skis engiadinais. Quai en in temp da record dad 1 ura e 22 minutas. Il Jauer pulverisescha uschia il record da Tor Arne Hetland da l'onn 2008. Il Norvegiais aveva lura fatg ils 42,5 kilometers da Malögia a S-chanf en 1 ura e 24 minutas.

Il podest dal maraton vegn cumplettà cun Jean Marc Gaillard da la Frantscha che vegn segund. Terz daventa il Norvegiais Andres Glörsen. Secund meglier Svizzer daventa Cedric Steiner. Il giuven currider da Tavau vegn 5 avel.

Von Siebenthal gudogna tar las dunnas

Nathalie von Siebenthal ch'è partida l'emprima giada insumma al maraton da skis engiadinais gudogna era gist. Nathalie von Siebenthal ha duvrà 1 ura e 30 minutas per superar ils 42,5 kilometers

Segunda è vegnida la Norvegiaisa Astrid Slind e terza è la Svedaisa Britta Johanson Norgren.

RR novitads 10:00