Siglir tar il cuntegn

Header

Navigaziun

cuntegn

Maraton da skis 2019 «Dumengia vegn spetgada ina cursa svelta»

L’aura e surtut las temperaturas dals ultims dus dis han procurà per ina loipa fitg dira e cumpacta en Engiadin’Ota per ils 14’200 passlunghists. Entant han ils responsabels dal Maraton da skis engiadinais er puspè mess da la vart lur plan alternativ per il traject.

Legenda: Guardar il video Reto Matossi dat tips per il Maraton da skis. Durada 01:34 minutas.
Or da RTR dals 08.03.2019.

Tenor il responsabel per il traject tranter Malögia e S-chanf, Reto Matossi, sa preschenta la loipa sur tut ils 42 km en in fitg bun stadi. La naiv bletscha ch'è crudada ils ultims dus dis s’ha transmidada grazia temperaturas sut nulla en in fastiz fitg dir e cumpact.

Mirveglius dal tempo da las dunnas

Reto Matossi è quest onn surtut spanegià quant lunsch che las dunnas vegnan da sa distanziar dals umens. Per l’emprima giada partan 90 dunnas da la categoria elita 5 minutas pli baud, sco emprimas a la cursa da passlung a Malögia. Cura ch’ils emprims umens vegnan da tschiffar e surpassar ellas, na po il commember dal comité betg dir. Dentant è el persvas che quai capita avant l’arrivada a S-chanf.

RR actualitad 11:00