Siglir tar il cuntegn

Header

Navigaziun

Cursa da notg da Segl a Puntraschigna
Legenda: Cursa da notg da Segl a Puntraschigna RTR, Roman Dobler
cuntegn

Maraton da skis 2019 Kari Varis gudogna – indigens era datiers a la victoria

Il passlunghist finlandais Kari Varis gudogna per la segunda giada la cursa da notg da Segl a Puntraschigna. Tar las dunnas è Klara Moravcova la pli sperta.

La cursa da notg da Segl a Puntraschigna è il tun da partenza da l’emna dal Maraton engiadinais. Gia per la terza giada ha la cursa carmalà circa 800 curriduras e curridurs sin il traject da 17 kilometer tranter Segl e Puntraschigna. Era sche las cundiziuns eran tut auter che bunas, durant l’entira cursa hai naviglià, han las participantas ed ils participants gì gust.

A la testa esters, sin lur chaltgogns ils indigens

Tschintg curridurs esters èn rangads sin las emprimas plazzas tar ils umens. Meglier Grischun è lura dentant Livio Corsini da Lai. E meglier indigen Curdin Perl da Puntraschigna sco otgavel. L’anteriur curridur da la cuppa mundiala è adina a la partenza da la cursa da notg, e perda tar l’emprima cursa suenter ch'el ha chalà cun il sport da prestaziun 1’16’’ sin il pli spert.

Tar las dunnas è Fabia Damaso da Puntraschigna la pli sperta indigena. Ella fa il sigl sin il podest e vegn terza. Christine Buzzetti Moritz da Samedan vegn quarta.

RR novitads 21:00