Siglir tar il cuntegn

Header

Navigaziun

Il Maraton da skis engiadinais 2019 è a fin.
Legenda: Il Maraton da skis engiadinais 2019 è a fin. RTR, Roman Dobler
cuntegn

Maraton da skis 2019 Suenter sis uras en l’arrivada a S-chanf

Dario Cologna gudogna en temp da record. Ils ultims che cuntanschan l’arrivada dal maraton dovran per ils 42 kilometers tschintg giadas dapli temp.

Il maraton è uschè popular era perquai che la cursa vegn taxada sco cursa «simpla». Il traject da la cursa maina per gronda part da la val engiu ed uschia è il maraton forza era insatge per insatgi che n'è betg uschè versà sin ils skis da passlung. Sper l’elita dal sport sa participeschan era fitg blers curridurs popularas a la cursa cun gronda tradiziun.

Fertant ch'ils pli sperts èn en in'ura e mesa en l’arrivada dal maraton a S-chanf, dovran ils pli plauns sis giadas dapli temp. Suenter sis uras vegn l'arrivada a S-chanf serrada. Quellas e quels che n'èn lura anc betg là na vegnan betg rangads.

Schlitta-scuetta al maraton
Legenda: Schlitta-scuetta al maraton RTR, Roman Dobler

Ils davos vegnan propi zap per zap en l’arrivada. Mintgina a mintgin vegn dentant beneventà da l’entir comité d’organisaziun dal maraton che stat spalier per ils ultims curridurs e per las ultimas curriduras. Cur ch'il davos è alura a S-chanf e il maraton per tuts puspè istorgia.

RR actualitad 06:00