Siglir tar il cuntegn

Header

purtret Serafin Beer
Legenda: Serafin Beer: dal tschaiver sin ils skis da passlung mad
cuntegn

Maraton da skis engiadinais Serafin Beer: «Jau vi mussar als collegas»

Anc strusch stà sin ils skis da passlung, ma lura ir a la partenza dal maraton da skis engiadinais. Serafin Beer (28) da Mustér n’ha tant sco nagina experientscha da passlung, sulet quatter giadas è el stà sin quests skis. Ussa parta Serafin Beer al maraton da 42 kilometers da Malögia a S-chanf.

audio
Saira: Maraton – Serafin Beer avant sia premiera
ord Sportissimo dals 10.03.2018.
laschar ir. Durada: 3 minutas 36 Secundas.

Naschida saja questa idea en sortida, curt avant Nadal. Intgins collegas hajan manegià ch’el pudessi era far ina giada insatge auter che be tschaiver. Serafin è sinaquai s’annunzià per il maraton, era per mussar als collegas ch’el dumognia quai. Pli tard haja el pliras giadas sa dumandà daco ch’el saja sa laschà en sin insatge uschia. Tuttina, il plaschair saja grond sin questa premiera.

Pront per la sfida maraton

Ils buns collegas da Serafin han dentant era dà intgins tips e mussà co insumma star sin quels skis da passlung. Skis, festa, resti, tut quai haja el stuì emprestar, el n’avevi nagut da quai a chasa. Ussa saja el dentant pront per quai cumbat sur 42 kilometers tras l’Engiadin’Ota.

Purtret Serafin Beer sin ils skis da passlung.
Legenda: Serafin Beer (san.) tar sia premiera sin ils skis da passlung a Mustér. mad

Serafin Beer parta dumengia punct las 09:23 uras. Ses numer da partenza è 20'116. El vegn accumpagnà durant quest maraton d’Andreas Wieland, redactur da sport RTR. Adina puspè s’annunzian els al Radio Rumantsch. Impressiuns e maletgs da la cursa datti era sin Facebook RTR.

RR actualitad 08:00

Artitgels legids il pli savens

Scrollar a sanestra Scrollar a dretga