Siglir tar il cuntegn

Header

cuntegn

Sport a Cuira Il puls dal sport dat puspè a Cuira

La gronda part da las var 50 uniuns da sport a Cuira èn turnadas enavos en il trot dal mintgadi. Las plazzas da sport èn puspè occupadas stediamain.

I curra e marscha puspè insatge sin ils indrizs da sport en la citad da Cuira. Las plazzas da ballape, il stadion da glatsch u er las plazzas da tennis èn puspè savens occupadas. Quai suenter mais fitg, fitg ruassaivels pervia dal coronavirus. Led che la vita da sport è enavos en citad, è er il cusseglier da la citad, Patrik Degiacomi. Il sport saja in'impurtanta part da la societad.

Ch'il puls da sport dat puspè en la chapitala grischuna vesan ins, spezialmain, sch'ins è en il stadion da glatsch a l'Obere Au. Il stadion è actualmain quasi adina occupà cun equipas da hockey u cun persunas che fan patinadi artistic.

Normalmain è il glatsch occupà schlet durant quest temp. Quest onn èsi tut auter.
Autur: Patrik Degiacomicusseglier da la citad

Sumegliant guarda quai or en las hallas da gimnastica. Era lezzas vegnan duvradas fermamain da las uniuns da sport. Las hallas sajan normalmain serradas durant la stad, declera Patrik Degiacomi. Pervi da la situaziun speziala laschia la citad dentant avert ellas questa stad. Duvradas vegnan las hallas dal club da pingpong fin tar il club da lacrosse.

RTR actualitad 11:00

Artitgels legids il pli savens

Scrollar a sanestra Scrollar a dretga